Те эряви содамс

Шкань-шкань яла марятано, ловнотано: эрзянь-мокшонь кельтне, келя, аволь башка кельть – а наречият (истя кортыцятне-сермадыцятне а содасызь, мезе те наречиясь), ды неть кавто наречиятне, келя, вейке келень, конань, лемезэ мордовской (мордоскяй). Алкукскак, истя ли?

Монь икеле кавто валкст «Мокшень-рузонь» (1998) ды «Эрзянь-рузонь» (1993). Панжсынек неть валксонь лопатнень, косо валтне аравтневить н буквасто ушодозь. Вансынек, кодат а вейкетьксчить стить минек икеле валонь таштавкстнэсэ, конасонть валтнэнь ушодксо ашти н буквась. А вейкетьксчитне, аравтындерясынек карадо-каршо эрзянь ды мокшонь валтнэнь, – байтяк. Сынь муевить валонь теевкстнэсэ, гайтень а вейкетьксчисэ, валонь теевема суффикстнэнь а вейкетьстэ аравтомасо, валтнэнь улемасо-а улемасо. Кие а кеми, кадык панжсы неть валкстнэнь, мель явозь вансы педе-пес н буквасто ушодозь валтнэнь. Дивавтадо! Кодат ансяк а вейкетьксчить мутадо. Лоткатано кой-конатнень лангс.

Васенцесь – ниленьгеменде ламо васенце эскельксэ глаголт, конатне улить МРВ-нь, арасть – эрзянцесэнть. Истятне: наледемс «вышивать узор», налкстамс «заострить, сделать острым», налхкомс «прокиснуть», нандоргадомс «сильно развариться», нардемс «сводить судорогой», наругамс «издеваться»¸ нафтамс «высморкаться», некоргодомс «зачахнуть», некамс «суетиться», няредемс «прорасти», нешконзомс «роиться», нозомс «сосать», некамс «возиться», нандомс «отлить», нежадемс «прийти, зайти», нарфтомс «урвать», нафтордомс «стащить, стянуть», натерендамс «повзрослеть», новолемс «ослабнуть», нотфтамс «дернуть», нотямс «тасовать карты», нярькстамс «надеть намордник», нярьгомс «стирать», нуваргодомс «потянуться (после сна)», нундендемс «дремать», нулхтадемс «качнуться», норовамс «подождать», ностыямс «раскуривать», нулфтомс «взбалтывать», нолгодамс «лениться», нутолдомс «ковылять», надендамс «наварить, лудить», назёмомс «удобрять», нуполдомс «шмыгнуть», нулнамс «болтаться», нулнофтомс «перепрыгнуть», нгодендамс «дремать» и др.

Ламотне эйстест, паряк, весетне – васенце эскельксэнь глаголт. Эрьванть эйстэ омбоце, колмоце, нилеце эскелькстнэсэ теевить модифицированной суффикс вельде од глаголонь теевкст, конатне, кода и васенце эскельксэнь глаголтнэ, а вастневить эрзянь кельсэ, ды, нама, а муить тарка эрзянь валкссонть. Саемга: некор «хилый, слабый» → некоргодомс (васенце эскелькс) → некоргофтомс (омбоце эскелькс) → некоргофнемс (колмоце эскелькс). Истятнеде н-овой буквасто ушодозь глаголонь теевкстнэде пек ламо, сынст вельде сюпалгады мокшонь глаголонь валташтавксось, ды теньсэ шаштовить седее васов вейкенть вейкенть эйстэ.

Омбоцесь – валт, аволь глаголт, конатне улить МРВ-ть, арасть – эрзянцесэнть. Сынст эйстэ – байтяк. Истятне: нетёка «дрянь», нёпа «тупица», нувара «усталый», най «всегда», налие «вид вышивки», налека «ток», нанкс «часть какого-либо блюда, отлитое во время варки», нар «хрящь», нарторкш «дерн», нарфа «жар, пыл», нащека «ожерелье», небель «барахло», некор «хилый», нолгус «слизень (молюська)», нултаз «бродяга», нуела «локон», нусмор «морда», нуфтол «жниво», нюзгодь «соболь», няретькс «росток», наголь «всегда», наклав «плот», наксатка «хроник (больной)», намозу «гордый», нарфадей «знахарь», наршт «ножницы», ноцьканя «тихоня», нанка «верх праздничной одежды», непиря «близорукий», нучка «згиб локтя», натека «незаконнорожденный ребенок», нарва «клин для соединения в шпунт досок двери», нелянди «лентяй», нола «ленивый», нонат «злой дух», неболка «небылица», нильфкс «нёбо; зев; свод печи», нокла «крутой», нлгаз «ёрш», невницят «мякина», нединя «кадочка с ручками», немнянь «уже давно», нерявкс «всходы», нефтула «неряха», няк «очевидно», нандор «хрящь», назёму «унавоженный», накось «наискось», налхки «игрок», нальди «вероятно», наляна «гнилой», наркитькс «дерн», нарвай «кружка», нарай урма «стригущий лишай», нюрень «водоросль», нуланза «вялый», насека «молоток», нюхре «неряшливый» и др.

Колмоцесь – валт, конатнень юрост улить мокшонь ды эрзянь кельтнесэ, эсест теевемаст коряс явовить эсь ютковаст: нурям «люлька» – э. нурямо, наругамс «издеваться» – э. нарьгамс, нильгемень «сорок» – э. ниленьгемень, нюди «камышь» – э. нудей¸ нюрьхкяня «короткий» – э. нурькине, нуф «сжатый» – э. нуезь, нупоняф «конопатый» – э. нупонязь, нувай «дремлющий» – э. нувсезь и др.

Нилецесь – валт конатнень валъюрсо ули гласной ды согласной гайтень полавтома: нилгодемс – э. нулгодемс, нярьгомс – э. нерьгемс, навольдемс – э. невельдемс, нажадемс – э. нежедемс, никсамс – э. никсемс, няемс – э. ниемс, нюзькс – э. нузякс, нума – э. нуема, некот – э. некеть, нюрьхтямс – э. нурьтямс, налхки – э. налксема и др.
А ней явтано мель эрзянь н-овой буквасто ушодыця валтнень лангс. Сынст эйстэ ЭРВ-нть 1050. Улить ютксост истяткак, конатне арасть мокшоньцесэнть. Саемга: 1. Глаголтнесэ: насадямс «насадить (топор на топорище)», насмодемс «ударить», наянгадомс «стать кокетливым», никнетемс «всхлипывать», нилензамс «учетверить», нареждемс «всхлипывать», нозномс «бормотать», нозордамс «ударить», нартнемксыямс «зарасти полынью», ноказдамс «быстро бежать», набойгадомс «осмелеть», налкстамс «надоедать», налькстамс «выскользнуть», нурьгамомс «чувствовать сильный голод», нюрьгадомс «завять», напустямс «побежать», нурякадомс «закачаться», нуртямс «налить», наведямс «навадиться», нуденемс «гадать», нучкамс «облакотиться», нусмакадомс «загрустить», нурятомс «пошатнуться, ноцаксамс «теребить», нодномс «бормотать», наркодевемс «преследование покойником», нильгедемс «наесться досыта», няндомс «кокетничать», нерямс «толкать, совать» и др.

2. Аволь глаголт – существительнойть, прилагательнойть, местоименият, наречият, конат арасть мокшонцесэнть: набойчи «смелость», назой «назойливый», нама «конечно», намах «наобум», наракш «стриженный», нарамка «стрижка», нарвавкс «выводок птенцов», нардава «святочные гадания», наргила «дерн», налов «острый, пронзительный», налога «порча», напалка «рукоятка (на черенке косы», настоль «совсем», наксарька «гниль», навгара «неприятный», наивнойчи «наивность», наркоть «мания преследования», нарькамаз «полынь», насулка «передник», «передник», нувазя «сонливый», ноднома «бормотание», наяв «открыто», норовов «норовистый», нардевтемечи «непрочность», нардексчи «сопротивляемость (материала)», нармушка «птенец», нартемкс «полынь», натой «даже», наськат «черти», низаня «теща», ни «жена», нилемат «ангина», нилькс «плодоножка», нильтяня «приторный», нирё «коротыш», ногод «бабы, косточки слив, камышки для гадания», нурималкс «место сбора молодежи (летом)», нартемкспуло «полынь», нуло «тряпка», нузяла «ленивый», нучко «щука», нуск-наск «мусор», налов «острый», налой «аналой», недяка «семена репейника», нилешка «около четырех», новта «узда», нолготуло «сопляк», норовава «богиня земли», норонкай «жаворонок», норыгуй «змей, дракон», ноткс «холщевая потянка» и др.
Невтьсынек теньгак. Мокшонь ды эрзянь н-овой буквасто ушодозь валтнэнь ютксо улить ламо вейкеть валт – существительнойть, прилагательнойть, сынст эйстэ теевить од валт – глаголт. Неть теевкстнэсэ улить ламо а вейкетьксчить. Саемга, кода мокшонь, истя эрзянь кельсэ ули вал нупонь. Эйстэнзэ теевить

м.                                                       э.

1)нуподемс                                  1) нупондямс
2) нуподевомс                                  2) нупониямс
3) нупонякшнемс                            3) нупондякшномс
4) нупониямс                                    4) нупониякшномс
5) нупонияма                                    5) нупониявтомс
6) нуподема                                       6) нупондявтомс
7) нупоню                                            7) нупондявомс
8) нупондявкс
9) нупондямо
10) нупондямопель
11) нупонев
12) нупонямо
13) нупоньчей

Кода тыньк койсэ? Улить – арасть неть теевкстнэнь ютксо яовомат – а вейкетьксчить? Монь койсэ, неть парадигматнесэ сынь парсте неявить.
Или сайсынек ношка валонть. Сонзэ эйстэ теевить

м.                                                      э.

1)ношкамомс                                 1) ношкамомс
2)ношкапнемс                                    2) ношкалгадомс
3)ношкаптомс                                    3) ношкстыемс
4)ношкапфнемс                                 4) ношкамокшномс
5)ношкапфтомс                                 5) ношкалгавтомс
6)ношкамома                                     6) ношкалгалемс
7)ношкаптома                                    7) ношкалгадома
8)ношкс «старый»                            8) ношкачи
9) ношкамома

Неть теевкстнэсэяк улить покш явовомат. Истятнеде эрзянь ды мокшонь кельтнень ютксо вастневить аволь ансяк н буквасто ушодозь валтнэсэ. Сынст эйстэ ламо (пек ламо) лия букватнестэ ушодозь валтнэсэ як.

Сынь «кортыть» седее – эрзянь ды мокшонь кельтне – кавто башка кельть, кавто уникумт, конатнень улить эсест потмочист, эсест евтамонь-кортамонь лувост, эсест валсюлмаксонь енксост. Ули эрьванть весе се, мезе эряви те или тона чарькодеманть – смустенть невтеманзо кис.
Ванстомсынст! Теемс эйстест та-кодамо асодавикс кель – чаво тев. Чаво секс, мекс киненьгак сон а тееви. Паряк, пазонтень…

Оставить комментарий